【头条独家】陪大肚好友贴地搭巴士 Fit妈陈嘉宝传授凑仔经

29岁嘅青春人妻陈嘉宝（Anjaylia），唔经唔觉其宝贝女Hosanna已9个月大嘞！所以呢位fit爆妈咪开始放心撇下囡囡，早前陪丈夫短线游台湾后，日前下午又跟好友gathering。当日下午，见齐荫Anjay和大肚婆女友行铜锣湾，之后搭巴士赶返炮台山寓所，接老公仔更凑女。十分钟车程中，Anjay滔滔不绝，似系向好友传授凑仔经罗！   采访 : 梁志明

陈嘉宝17年同拍拖4年嘅初恋男友黄颂祈结婚，翌年怀孕，今年1月诞下可爱B女Hosanna。生完似未生过嘅Anjay，身材得天独厚，窈窕好fit。早排，佢被本报影到黐实大只仔老公黄颂祈，去铜锣湾一间连锁手机店整电脑。之后两公婆就飞咗转高雄，齐齐喺社交网志po相，穿上黑色情侣装畅游莲潭滑水主题乐园。

日前下午4时，叉完电返港嘅Anjay容光焕发现身铜锣湾。见佢当日相约一位大肚好友行街街，大肚姊妹个肚箩咁大，目测已怀孕逾7个月，临盆在即系时间搵靓妈咪Anjay取凑仔经啦！其间，两女喺附近商场一间日牌平价服装店shopping，Anjay快手买咗袋BB衫，再同好友行去维园嘅巴士站等车返家。


接力凑女
搭几个站嘅Anjay和好友坐下层继续倾。车程唔使十分钟，Anjay keep住发言，未几佢喺炮台山先行落车，步行返寓所。见人妻似乎较啱时间，同老公约定返屋企接力凑女，在大厦门口与刚出门嘅丈夫恩爱揽揽又拖手仔，表现得难舍难离。而爱妻号黄颂祈见到老婆仔撒娇，亦一直冧笑，模范夫妇甜到漏！