【头条独家】黄建东淡水情人桥博艳遇 望下次有女陪旅游

黄建东早前趁住未开剧，同舞台剧演员朋友去了转台北玩，但原来这是他人生第二次去台湾，由于他有接近20年冇去过，所以去玩和食的地方，都是港人去到唔去的地标。不过，阿东自爆此行仲有秘密目的，就是去淡水情人桥博有艳遇成功脱单，「希望下次有女朋友陪，唔使再两个麻甩佬去玩啦！」采访：杜淑霞

阿东上次去台湾旅行，已是中学时跟家人跟旅行团去玩，「我自己都觉得实在太离地，我又锺意食台湾嘢，趁演完舞台剧，又未开王心慰监制嘅新剧《失忆24小时》，净系拍《绝世港佬》，咪抽5日去转台北，同大家拉近番距离。」

增肥之旅
由于台湾所有嘢对阿东来讲都好新鲜，难得朋友又肯陪佢再去，所以佢唔介意畀人笑冇新意，「有啲地方就算我之前去过，但过咗咁多年都唔同晒，好彩朋友由得我揸主义，虽然有啲厌弃，但都肯陪我再去过，真系好兄弟！我觉得最靓系淡水同野柳啲风景，当然台湾啲嘢食一定正啦！好似喺饶河夜巿食嘅药膳排骨咁，啲汤又浓，排骨又入味，我本嚟谂住减肥，点知变咗增肥之旅，不过去得旅行放松，就唔谂咁多，好彩返嚟狂做运动，好快减番几磅。」

见阿东在淡水情人桥摆晒心心甫士，他解释此行原来另有目的，「本嚟谂住喺情人桥睇吓会唔会有艳遇，希望下次有女朋友陪，唔使再两个麻甩佬去玩啦！点知完全冇人理我，唯有继续专心做嘢，快啲上车买楼做业主先啦！」