【头条独家】长讲电话秒秒几百万上落 Juno有型大佬陪妻Shopping

35岁嘅麦浚龙(Juno)同胞兄麦浚翘(大宝)均是圈内富贵潮流教主，全身衫加鞋加表分分钟过百万，但两人同样行事低调。前者有亲密混血女友戴庚玲（Janine），后者一早结咗婚，16年仲做埋爸爸，家有做Model嘅靓老婆李慧思（Cice）同一对得意孖仔。日前傍晚，好有型嘅大宝陪靓老婆喺铜锣湾行名店，贵为法拉利香港及澳门独家代理商嘅大宝电话接不停，生意秒秒几百万上落，明嘅。采访:梁志明

Juno同大宝的父亲为中建置地主席麦绍棠，据讲身家至少有10亿，系讲紧几年前喎。麦主席平时好忙，但一放假就会同老婆带两个宝贝孙去玩。早前就见到麦主席伉俪同两个孙仔去太古城中心买玩具，凑孙生活相当快乐。

大宝好忙
大宝百足咁多爪，系潮流杂志创办人，锺意储古董表，17年成为法拉利香港及澳门的独家代理商，13年头同前城大校花、后入行做模特儿嘅Cice结婚，16年尾荣升父母，孖仔好可爱。虽然结婚六年，但大宝夫妇仍然Keep住热恋咁，大宝嫂不时陪老公出外公干， 两人又经常拍住拖Shopping。日前傍晚6点，大宝夫妇去铜锣湾利园入货，行完一间又一间，最后入爱玛仕，全程系大宝嫂主力拣，大宝负责找数同拎嘢，陪老婆买嘢闷唔闷?大宝应该唔觉闷，因为佢Keep住讲电话，有时笑住讲，有时唔笑，好忙好忙好忙。