古巨基大爆容祖儿「瘀事」 仲问观众有冇Air Drop：我有片

容祖儿红馆演唱会昨晚踏入第18场，进入倒数阶段，请来古巨基任嘉宾，出名多手汗的基仔与祖儿合唱完《爱得太迟》后，搞笑问：「阿祖，系咪要摸下我湿滑只手先？」祖儿反问:「你个枝野咩来？」基仔答到好暖昧，「我枝野又黑鼆鼆，又毛鬙鬙.....」已经引得观众大笑，以为他讲黄色笑话，原来系讲紧佢枝咪套，「系一条羽毛球柄的毛巾套呀！因为我呢几年整坏左不知几多枝咪，成八万几蚊一枝。因为手汗太大，一挥手成枝咪飞走左。」

其后，基仔更大爆祖儿的「瘀事」:「我地识左十几年，系近几年先特别熟，多左好多聚会。」连续开了多晚演唱会祖儿一听到这里，随即「警觉」到：「你又爆料？乜成公司都系咁......」基仔笑说：「彩排个阵又系你话乜都讲得嘅，哈哈！你唱歌跳舞得大家都知，大家想不想听容祖儿平时生活傻瓜野？」

观众即热烈和应，基仔续说：「事缘系咁，阿祖系一个好乖唔识饮酒嘅女仔，同我一样....」祖儿即反驳，「同你一样？哈哈，你系酒筲基......」基仔就将矛头推向经理人霍汶希（Mani）：「Mani教我地饮酒 ，我真系唔识唔钟意架....哈哈！有一次Mani同你来我家食饭，你前面有个朋友生日，迟左到，咁你系我楼下按对讲机，Mani咪即刻落去接你，你记唔记得？但系接左你上来之后， Mani 话，「佢呀，系楼下，保安同佢讲，容小姐你可以入去，佢话：『你点知我姓容架！』，吓到Mani即刻扯你走。」

观众听到这里已经狂笑，祖儿都一样，笑到差D企唔稳，「我唔记得啦！哈哈哈.....」基仔再接著说，「未讲完呀我，你上到我屋企已经wing wing地，你第一件事坐系地下 跟住向天不停发功，我以为你整整下成个人可以飞起」。此时祖儿已经笑到成个人跪系到，但系基仔没有停，「仲有呀！跟住你入左厕所，我地班朋友话，喂佢入左好内，驶唔驶睇下佢，Mani就不停敲门，但你冇反应，之后个门锁松开左，大家只系见到你揽住个屎塔呀。我地扶你起身，你话，基仔！我发誓呢度系我嚟过最好玩地方！我唔知个马桶咁好玩架，早知我都玩下啦！」语毕，祖儿已经笑到倒地。

祖儿之后说：「我剩系记得古巨基不停塞我食野，慌死我唔死，系咁塞我，你话我唔呕都难啦。多谢你，你今晚非常精彩 ，值得大家掌声，连我自己都唔记得。」

基仔这时忽然问观众，「想问下各位想唔想睇片？ 其实我有当晚条片，我对朋友好好，我唔会出卖朋友，除非佢系fans叫！」观众当然就马上起哄狂叫要睇，「我有带手机来，有冇air drop ？不如一次过 ？」又再引来大家欢呼及大笑。