容祖儿公然送抱摸面 刘德华自爆好色：搞咗个小龙女出嚟

容祖儿红馆个唱昨晚举行第12场，祖儿未宣布是晚特别嘉宾前，先抖啖大气说：「今晚呢，呢个一啲都唔简单，我称唔上同佢好好朋友，因为佢喺我心目中系遥不可及，早已超越了偶像，是我学习嘅傍样。佢做事认真，待人接物，及对身边所有人无微不致，总之佢叫我行东我不会行南，佢叫我坐我不会企！今晚好荣幸邀请到佢上嚟我呢个舞台，请大家以最热烈掌声，欢迎我今日嘅VIP！」
音乐响起，祖儿唱出刘德华的《谢谢你的爱》，观众为之疯狂。华仔上台，祖儿马上飞扑上前，揽到实一实不肯放，然后面红红叫道：「好近呀，救命呀！我想晕低。」华仔笑住回应：「我好少抱啲咁后生嘅细路女。」祖儿问：「点解你咁靓仔？」华仔回话：「我天生。好多时都同人讲，唱歌跳舞可以勤力去练，但系靓仔真系冇得练。」祖儿这时又来心心眼问：「我可不可以摸你一下？」然后伸手摸华仔块面，引得观众都哗哗大叫。

华仔问祖儿：「点解请我做嘉宾？你都唔系我个年代…」祖儿说：「你唔记得咗，我哋有一年一齐拎奖。」华仔谓：「记得，我好似带住个女去拎奖一样。2004年？定边年？」祖儿又话：「我想话你知，我第一次入红馆睇演唱会，就系睇你《夏日fiesta演唱会》，同我个初恋。」华仔开玩笑说：「哦，当年我见到个嘴唇厚厚，同个男仔系到唔知做乜嗰个…」祖儿即答：「冇呀，当年冇打车轮㗎，最多拖下手仔咋。但系我一直觉得你首《开心马骝》系唱畀我听，因为我属马骝！」继而说不如一齐唱啦，就开始清唱《开心马骝》给华仔听，十分搞笑。

华仔同祖儿讲：「我话你听，我为乜接受嚟做嘉宾。」祖儿答：「因为你锡我。」华仔说：「唔系。」一大个柠檬令祖儿呆了，观众就大笑。华仔继续说：「04年我哋一齐拎过一次大奖。我本来希望14又可以一齐拎，我13年已经开始准备，不过嗰年好忙，因为我好色！」祖儿一头雾水，「咩好色？你点会，你咁勤力…哦…你讲你好忙繁殖下一代呀？」
华仔说：「系呀，搞咗个小龙女出嚟。所以2024年啦！再一齐拎奖，你唔使等我，我赶紧上嚟㗎啦！另外，我个女话，你嚟睇我演唱会，由头跳到落尾冇停，你其实唔止开18场，可以开够28、38场。」祖儿就话：「你个女好得意呀，搵次畀我去探下佢啦。」最后两人合唱《一起走过的日子》作结。