容祖儿讲「调」字 Supper Moment：我听咗另一个字呀

容祖儿昨晚第17场演唱会，在介绍嘉宾之前，祖儿就话日日打电话询问她当晚是边位嘉宾，不满地说:「现在嘉宾系主菜，定我先系主菜，岂有此理！哈哈。我话畀大家听，我今日唔畀主菜你哋食，直接畀个宵夜你哋叹，准备好未？」然后Supper Moment 就升上来，观众马上疯狂欢呼，Sunny话，「永远系香港嘅主菜，容祖儿！」继而在观众疯狂欢呼声中，与祖儿合唱《幸福之歌》。

唱完歌，祖儿见观众超开心，于是话：「完全感受到Supper Moment啲威力！」Sunny就话: 「我哋Supper Moment第一次红馆四面台，系因为你呀容祖儿！」「唔好客气，系我光荣。今次第一次合作，大家觉得点？我知大家好熟佢哋，我都要郑重介绍一下Supper Moment四个靓仔又有才华的乐手。我今日先知Sunny叫仕燊，你时薪几多？」

「我心里最想合作伙伴单位，请晒来，今日大家见到系Supper Moment ，即刻问可不可以调.....即系问可不可以调来睇.....」Sunny呆一呆未反应得来，之后先笑住话，「哦，调，我听咗另一个字呀，哈哈哈....畀人调喎....」引得全场都一齐大笑。「哎！我真系唔好讲太多，哈哈哈.....你系咪有礼物送畀我？」Sunny:「系呀，我今日终于可以喺容祖儿面前告解！」观众一听《告解》两字即开心欢呼，祖儿就话，「真系连霆锋来嗰晚都冇唱呀。」Sunny就话:「放心，我会尽量用谢霆锋嘅腔口唱！」

此外，祖儿昨晚登上红磡360高空吊车，第一首歌就拣了《他都不爱我》，料不到与她合唱这曲的吴浩康竟然坐在山顶位睇骚，大会马上畀支咪阿Deep，阿Deep也不客气，大方唱了一段，获得不少掌声。唱到演唱会最后安歌时段，祖儿同观众边倾偈握手时，突然见到有一位女观众狂哭，祖儿马上上前问，「咩事呀，你乜事呀你？」其他观众话: 「佢求婚呀」。祖儿搞笑问:「你骑劫我个场求婚，你上嚟啦一系，逼喺嗰度。」但个女歌迷就只系识得继续喊爆，祖儿唯有做埋主持人，「你哋唔好咁过份喎.....系咪求婚？点解咁突然？畀我睇下你只戒指大唔大只先，都ok喎，咦，英皇珠宝？你系咪卧底呀，哈哈哈......」然后祖儿同女歌迷讲，「载咗佢啦！ 锡啖先啦、打个车轮先，恭喜晒！」女歌迷拿住花喊住同祖儿讲，「花以为送畀你」，祖儿话，「系属于你架啦，我心领啦，我送首《华丽邂逅》畀你啦，祝你哋永结同心，恭喜晒生多几个。」

昨晚，曾华倩，黄又南，C AllStar的陈健安，Robynn & Kendy的孙晓慧，古巨基都均有来捧场。