任容祖儿演唱会嘉宾 古天乐首次现场唱《今期流行》跳拜神舞

容祖儿（Joey）《PRETTY CRAZY》红馆演唱会第11场请来了古天乐（古仔）做嘉宾。在古仔未出场前，Joey大卖关子要大家齐估是谁，「今日到底系边个好呢？呢一位系男神嚟㗎，我相信全香港冇人唔锺意佢嘅！佢由细到大都好锡我！佢曾经喺我演唱会担任过一次嘉宾。」之后更希望歌迷一齐做动作迎接古仔：「音乐一起，大家喺适当嘅时间一齐做一个动作。」Joey示范了《今期流行》的「拜神舞」动作，导致全场即时疯狂起哄，更响起《今期流行》歌曲音乐，随后，古仔现身和Joey大唱《今期流行》，歌迷「叫到拆天」。

唱完后，Joey说：「我第十一场表演嘉宾古天乐，真系癫倒众生呀！」古仔就话自己是带病上阵，也是第一次live唱《今期流行》。Joey说：「系呀，佢呢辈子未现场演绎过呢首经典金曲。你真系好锡我呀你，你系咪前世欠咗我㗎？」Joey更问古仔：「你记唔记得你好多好多年前你做过我演唱会嘉宾㗎？」古仔笑著回答：「你当我老人痴呆症喎，我以前同你影过张相嘛。」Joey更调皮取笑古仔「系呀，嗰阵时你好白嘅，但你依家都唔系好黑。」他们之后就回忆过往，古天乐就表示：「你嗰阵时同你阿妈去电视台。」Joey就话：「你嗰阵时仲喺电视台度拍紧剧嘅，咁我就鼠咗入电视城度，竟然畀我撞到你喎！咁我梗系唔会放过呢个机会啦，就系呢一张相呀，就畀我沟掂咗你啦！」其后，笑着解释只是开玩笑，自己当然不敢。

古仔之后就投诉称「谷鬼气」，不想戴ear mon，会听唔到现场的声音。Joey惊讶大呼：「唔系啊嘛！唔通今日啲观众太热烈喇！」古仔否认称，想唱多次《今期流行》呀！Joey闻言便愕然话：「你真系好锺意唱歌喎！」古仔望著Joey就表示，惊over run？你点都加多了一场啦。Joey回答，唔惊，会给他唱埋落去都仲得。二人再次大唱大跳《今期流行》，将气氛推到最高峰，歌迷尖叫连连。

唱完后，Joey见到古仔上气不接下气就说：「抖一抖先啦，最受欢迎男歌手！」无抖的古仔竟然表示要玩游戏，谁叫得大声就可以上台与他们合照，再将气氛推至更高。Joey就说：「向来都知道古天乐人好好，佢虽然外表好似好恶，但内心就好善良，但佢史无前例咁抢我个台啲咪讲嘢，又抢埋啲观众上台！」其后，古仔当然不理她，与歌迷玩起游戏，最后选了3个歌迷上台合照。之后，古仔想走人，Joey当然不肯，「你咁锺意唱歌，你唱多首啦！」古仔就和Joey合唱完《男朋友》才离开。