烈日当空户外Busking 黄淑蔓怕晒黑狂搽防晒

「寰亚孻女」黄淑蔓（Feanna）日前在尖沙咀Busking，烈日当空挥汗唱足半小时，摄氏33度高温，露肩又露臂亦无助散热，只好狂搽防晒，Feanna笑说：「好彩今日著咁少，但好怕晒伤狂搽防晒，我已经晒到好黑㗎啦！」她透露13岁第一次Busking在尖沙咀，之后旺角、中环、铜锣湾周围唱，妈咪是最忠实Fans。她说：「我通常晚上7点开始唱，有时唱到凌晨2点。（屋企人担心？）妈咪成日都嚟陪我，有时唱到2点，妈咪就坐喺远处望住我哋玩。」

Feanna在尖沙咀海港城户外参与「油・花园」的周末市集Busking，下午4时开始表演，但她和乐手提早到场测试音响，晒到眼到睁不开。Feanna说：「虽然好晒又好热，但好多谢咁多Fans和市民留步听我唱歌，好感动！」她应Fans点唱，唱了出道作品《差一点我们会飞》和几首英文歌，还有第一次公开演唱出炉新歌《Dream My Dreams》。她说：「以前busking都系即兴，或者早一晚决定，去到现场先至临场上网搵歌词就唱，但今次就有计划，预先谂好歌单和练歌，不过一样咁兴奋和开心。」

Feanna表示在尖沙咀busking有情意结，她说：「我第一次Busking大约13岁，中二的时候。当时我开咗个IG帐户唱下歌，某日有个弹结他嘅男仔私信邀请我一齐去busking，咁样同网友出街唔系咁好，我就拒绝咗。几个月之后，我同妈咪喺尖沙咀行街，见到有个男仔好熟口面，我认得就系弹结他嘅男仔Busking。佢哋队名叫SchoolBusk，全部都系学生，最吸引我系佢哋用一支结他和一个Beatbox，个Pattern好特别，后来我就同埋佢哋一齐开始玩Busking，妈咪都识佢哋㗎！」除咗「第一次」busking在尖沙咀，今次busking亦是她18岁成年之前最后一次。