乐●活｜网购DIY套装 由零开始的满足感

乐●活｜网购DIY套装 由零开始的满足感

疫情严峻，如非必要，都系留家抗疫比较好，唔想净系煲剧、碌Facebook、IG的话，可以考虑入手DIY套装，唔单止可以消磨时间，由零到完成嘅高兴仲好有满足感！

●简约木雕雀仔套装：喺屋企都可以做到木雕，Boxset已经预备好已切割外形嘅椴木、NT-CUTTER日本制横手刀、KOREL 5D级防割手套、铅笔、擦胶及简介说明书，可以睇住Step-By-Step网上教学一刀一刀雕出木雀仔，即使新手初学都没有难度啊。不过，因为刀具相当锋利，雕刻时要特别小心！

●泡泡浴球Bath Bomb DIY Set：只要屋企有搅拌器皿和面粉筛就可以做到，只要大概2个小时，搅粉，搓粉就可以亲手做到泡泡浴球。套装包括可做到5至8个细浴球或3至4个中型浴球，会用上小梳打粉、柠檬酸、木薯粉、白脱牛奶粉、他他粉、底油、香薰精油、模具、限量版手提袋，仲有埋网上教学影片，可以跟住Step by Step咁做，就连小朋友都可以整到。仲有几款唔同主题嘅套装可以拣，包括用上薰衣草香薰精油、呈紫色甜睡猪猪泡泡浴球；柠檬加尤加利香薰精油、苹果绿色嘅强呼吸管道泡泡浴球；杂果宾治（甜橙、青柠及佛手柑）、粉红色香喷喷泡泡浴球。

●UV滴胶可爱小动物挂饰套装：内有UV滴胶、著色色粉、猫咪底座、金色颈链、闪石、C圈、中文图解说明书、USB插头UV滴胶专用LED灯，只要跟住教学图片或短片，就可以一步一步完成滴胶挂饰。掌握咗技巧之后，仲可以之后自行在再买材料，继续发挥创意制作唔同嘅滴胶饰物。

● 手工肠粉DIY套装：喺屋企都可以整到手工肠粉！手工肠粉DIY套装内附蒸盘（24.5cm x 18.5cm ）、油扫、滤网、胶刮，起盘夹、粘米粉、澄面及食谱，当中嘅蒸盘系用上碳钢材质制作，唔会黏底，可以手喺屋企整街头小食肠粉、叉烧肠、虾肠、甚至饭后甜品芒果肠粉一样得，不过要记得自行准备叉烧、虾等食材，同埋要记得准备豉油、甜酱、麻酱等。

可以喺屋企最容易整到嘅DIY，当然唔少得烘焙糕饼啦，无论系彩虹戚风蛋糕、Doughnut、古早味蛋糕、手工蛋卷、鸡蛋仔。又或是卡通造型曲奇及馒头等，一样可以网购直送到家，够晒方便。

作者：Laurie Wu（爱保健爱旅游爱购物的熟女）

 

[email protected]