乐●活｜LEGO的电影世界

如果你系LEGO迷，又系电影迷的话，新推出嘅两款LEGO相信你会同Laurie一样心心眼！

You jump, I jump、I’m the king of the world，单睇呢两句对白，《铁达尼号》入面Jack、Rose嘅经典画面，一定已经有晒出现喺你嘅脑入面，而 LEGO 10294 Titanic就会喺今日（8日）正式开卖。全长1.35米，高 44 厘米嘅10294 Titanic 系推出过最大嘅LEGO模组， 以 9,090粒颗粒拼砌成总长269.1米的铁达尼号，唔单止外观以白、黑、红色为主调的船身跃现眼前，连铁达尼号豪华的内部结构一一还原！

船身可分拆成三个部份，走上装潢华美嘅交谊甲板，船顶稍为后倾嘅四支标志性烟囱、那条多位乘客梦寐以求踏上并连接着6个甲板的头等舱楼梯、甲板上嘅桅杆、不同等级船舱嘅设计、缆索、发动机室救生艇至吊臂及部件等，每个细节一丝不苟，华丽嘅船身以外，套装同时附有底座和铭牌，方便大家可以喺屋企其家中展示呢艘航海史上嘅传奇。

另一个还原电影嘅LEOG就系21330 Home Alone！《宝贝智多星》相信系每位90年代长大嘅大朋友都不会感到陌生，甚至有一种特别情意结，会喺每个圣诞节都想重温嘅电影。 21330 Home Alone从用色、铺排到细节都将《宝贝智多星》电影里发生在McCallister 大屋里的所有情节逐格重现，啡白色双层大屋门外挂着圣诞装饰和灯饰，从正面打开大屋，整个内部结构完整呈现眼前。

客厅和饭厅分放置了故事前期Kevin伪装为家庭成员嘅篮球员人形立牌、站在黑胶唱盘上嘅人偶，二楼、阁楼、厨房、楼梯、地下室，甚至一旁嘅树屋，都已布置成电影最后Kevin与大盗们的攻防战情景，既搞笑又温馨嘅圣诞故事完整地于LEGO McCallister大屋重演。大宅入面仲有唔少隐藏喺细节嘅电影彩蛋，好似喺大门外被撞跌嘅人形玩偶、Kevin哥哥饲养嘅蜘蛛都可以喺21330 Home Alone入面搵到。套装更包括Kevin、大盗Harry与Marv、协助Kevin脱险嘅老人Marley，Kevin妈妈Kate嘅5款迷你人偶，及大盗驾驶嘅小型货车。

随着圣诞佳节愈来愈接近，21330 Home Alone分拆为25个小袋，可顺序重温电影的经典情节，从遇到强盗和仔们的货车开始，以Kevin和Kate 的重聚作一个完美终结。LEGO Ideas 21330 Home Alone已经可以喺LEGO认证专门店及LEGO探索中心礼品店买到。

作者：Laurie Wu（爱保健爱旅游爱购物的熟女）
[email protected]