衰多口話識打牌 倫永亮慘被仙姐踢出局

白雪仙將於明日（5月5日，農曆四月初一）迎來91歲壽辰，上月剛度過62歲生日的倫永亮，將一如既往為送上蘭花。
倫永亮受訪電台節目時，憶述當年在華星唱片工作，任姐（任劍輝）、仙姐最愛在文華酒店飲下午茶，他與兩位前輩經常在那裏碰面。後來任姐在1989年過身，仙姐想在粵劇電影《李後主》加插配樂，倫永亮和仙姐開始熟絡起來。
倫永亮續道：「有次仙姐問我識唔識打牌，我衰多口話識，佢就約我逢星期四去打台灣牌。我其實唔多識，更加唔知佢咁認真，好嚴謹！我唯有抱住陪長輩的心情參與。仙姐係我非常敬重嘅藝術工作者，不過後來佢嫌我慢，踢咗我出局。仙姐牌品點？OK啦！哈哈哈！」