林德信抗拒與爸爸林子祥合作拍劇

2019-05-02 20:00

林德信、鄧萃雯早前為ViuTV新劇《婚內情》拍攝，林德信就大讚鄧萃雯演技極致，他表示「其實係好好彩有咁認真對手，因為佢拍緊一半，都會短訊我拍攝進度，傾吓我地條線要點演，搞到我未入組都好似現場睇住好清楚進度，所以一埋位我地已經好順利。」他還大讚鄧萃雯很有紀律性，還自爆雯女成日打給他聊劇本，嚇得雯女叫他小心說話。

雯女笑言林德信「派高帽」，坦言為觀眾幸福，不介意收工再找大家聊劇本：「因為今次佢演我的救命草，個關係好複雜，但係佢又未入組，我地建立唔到呢個關係，所以私底下建立關係，我怕到場大家唔識好陌生，咁就大獲，所以呢個係演出的準備，因為我覺得做戲唔係一個人的事！（錦鴻早前話你哋好多溫馨戲份？）佢想多了，佢同班妹妹仔就多！」

林德信表示與前輩、視后合作沒有壓力，因為一早已建立默契，不過就抗拒與爸爸林子祥合作：「同佢開工要就佢時間拍，最好就凌晨4點拍到中午12點，呢個係佢作息時間，不過其他人就好辛苦，日日要好早瞓覺好早開工，未必頂得順！」