林子祥重返母校 父子檔演唱會葉蒨文唔做嘉賓

林子祥選址母校拔萃男書院禮堂舉行演唱會記者會，太太葉倩文、兒子林德信、小肥、胡琳及大會司儀鄭丹瑞到場支持。林子祥透露，是次紅館個唱將以音樂劇形式舉行，更率先披露太太葉倩文將不會上台擔任嘉賓。他笑說：「佢話次次都係佢做，今次畀佢抖吓。」

席間，林子祥、林德信、小肥及胡琳合唱歌曲《三人行》。鄭丹瑞問到阿Lam對台上這班年輕人可有寄予及鼓勵，他說：「唔係要鼓勵佢地，係要畀壓力佢哋，因為佢哋個個唱得演得，希望我揀嘅歌佢哋唱得舒服。」鄭丹瑞更即場宣布，加開5月6日及7日，再加上原定3場共5場。談到加開兩場，阿Lam說：「我係要好，唔係要多，總之每個騷要盡力做到最好為止，太多可能會變第二樣嘢。」

阿Lam透露花了很多時間籌備，而身旁的林德信表示參與的歌手們，亦早於一年前收到歌曲。問到阿Lam是否會唱較少歌？他說：「都唔係，今次接近有50首歌，我大概唱9成，希望透過音樂去講故事。」問到太太葉倩文可會參與，他說：「無角色適合佢，佢話次次都係佢做，今次畀佢抖吓。」此外，林德信坦言對今次演出又感壓力，因需要又唱又跳，比一般演唱會更需時間。