Madam害死Matt 網民爆粗讚惠英紅：來回天堂地獄人間

無綫劇集《鐵探》昨晚播出的一集，最終因為Madam Man萬晞華（惠英紅飾演）為權鬥放走營長（吳廷燁飾演），結果再次害死個仔，營長把她的第二個仔Matt（楊明飾演）都殺掉！雖然網民對劇情有好多犯駁位，例如捉營長這類悍匪為何沒出動飛虎？營長點解要拖Matt去另一個山頭槍殺？
有網民就話「因為編劇想紅姐發揮演技」，確實有不少網民都讚惠英紅「紅姐真係太好戲」、「睇紅姐嚮車裏面嗰場喊戲，搞到我講咗句『黐Ｘ線！三十秒內可以演到來回天堂地獄人間三四次！』神級！！」、「純粹個人演技表現，但搵戲嚟做」。