【維港會】港爸帶仔睇《復仇者聯盟4》狂解釋劇情 網民斥：唔係得你哋一家

《復仇者聯盟4: 終局之戰》於全球掀起熱潮，於各地屢創票房佳績。除了切勿劇透以外，在戲院內保持安靜亦是觀眾需遵守的「睇戲禮儀」。然而，有網民近日就在網上發文，指在將軍澳一間戲院觀看《復仇者聯盟4》時，遇上一對全程在談論劇情的父子，令樓主不禁發文直斥，「為己為人請入戲院睇戲時盡量唔好傾計！」

該網民在facebook群組「將軍澳」發文，指近日到寶琳一間戲院觀看《復仇者聯盟4》時，旁邊坐着一家人。該名爸爸與其兒子在電影開始後，已在討論劇情，其後「可能爸爸驚個仔唔明，所以一路解釋」。該網民在留言中補充指，曾向該對父子打手勢要求安靜，但該名爸爸只安靜了片刻後又再開始解釋。該網民不禁在文中直斥，「請做家長嘅你哋要明白，戲院唔係得你哋一家，係有其他人同你哋同一個院同一齊睇戲，當你哋討論劇情嘅時候，已經騷擾其他人！」，並呼籲其他家長「為己為人請入戲院睇戲時盡量唔好傾計！」

不少網民其後紛紛留言，對相關經歷身同感受，直斥「我都試過，嬲爆」、「咁嘅家長! 真係無家教」、「父母請絕對控制到自己子女的行為」等，更有人指「在睇戲期間，同個6至7歲仔捉中國象棋的老母都大有人在」。有人則留言指，為了避免遇到類似情況，「可能真係揀夜晚睇會比較少呢啲情況出現」、「 睇夜場無細路」。另外，亦有人認為與小朋友看電影時，應選擇遣適合他們的電影，亦有人笑言「同個仔睇谷阿莫啦」。