【安心出軌】許志安記招點交代？網民開盤瘋傳虛擬新聞稿

離許志安舉行記者會交代被爆背鄭秀文（Sammi）偷食黃心穎事件尚有1小時，大批記者已到酒店現場守候。
對於許志安如何解畫，網上流出開盤討論，包括「 許鄭分居1賠1.1」、「許鄭離婚1賠1.3」、「馬黃分手1賠1.1」、「無事發生1賠80」、「許黃永結同心1賠80」、「許搵韓紅告解再翻食1賠5」、「蔡一智同杜德偉出嚟頂1賠99」、「馬許換妻成功1賠9999」。事件牽涉韓紅，因為當年安仔曾被傳媒拍得跟韓紅當街激咀傳緋聞；蔡一智則因為被指跟黃心穎撞樣；杜德偉是安仔曾在球場被誤認「杜先生」。
另外，又有網民虛擬安仔記者會的新聞稿並於網上瘋傳：「對唔住，雖然我哋係飲醉咗酒，但係我承認我喺醉酒之下嘅行為的而且確係傷害到我最愛嘅太太，雖然嗰日我哋兩個都太醉所以做出有少少不理智行為，但係我哋都願意承擔所有責任。希望喺未來嘅日子，我會盡力去彌補，希望我最愛嘅太太原諒我呢一次一時酒醉嘅錯誤。而因為呢件事我會冇限期退出娛樂圈，以後有關一方面嘅嘢我唔會再回應亦都衷心祝福馬國明黃心穎幸福。而我同我太太嘅關係亦都唔會回應因為呢個係我哋兩個之間嘅事。」