【安心出軌】相距21載 心穎被指扮小粉絲姣黐安仔

51歲許志安被爆出軌30歲黃心穎，二人相距21年，心穎被指以小粉絲身份黐埋身，然後更跟安仔去同一健身室做運動。
表面上二人於去年10月在《星光熠熠耀保良》節目合唱《會過去的》，當時心穎還在instagram貼合照，留言：「好記得某年暑假、車上不停loop住《一步一生》呢首歌、當時嘅我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台！Thank you 安仔好好咁不停同我地rehearse。」但其實早在前年，心穎專程到澳門睇安仔開騷，二人更有合照，並上載安仔台上唱《唯獨你不可取替》片段，留言：「好的音樂、好的歌聲、就是百聽不厭 」。
自去年合作後，心穎的ig一而再有跟安仔及一大班朋友聚會合照，疑似這段時間二人已黐上了。