《粵劇特朗普》新一集林鄭都有份？ 李居明：唔係諷刺同挖苦

李居明粵劇作品《粵劇特朗普》，一連4場於北角新光戲院上演，昨晚順利完滿結束，一眾演員龍貫天、陳咏儀、蕭郎、新劍郎等人齊齊出席慶功宴。

李居明表示心情好激動，因為吸引到年青一輩入場欣賞，而且已構思第3集《特朗普夢會毛澤東》畀大家，由於新光戲院檔期已爆滿，所以《毛澤東》系列將會在明年移師到西九戲曲中心上演，又指一年前算出新光戲院要有涉及政治話題劇目才可以，所以寫了劇本「毛澤東」，估不到今次「特朗普」題材更厲害。

戲中的龍貫天以一人分飾「毛澤東」、「特朗普」及「川普」，他坦言覺得好大挑戰，更認為飾演「毛澤東」與「特朗普」兩者大不同，更反問李居明若撰寫第3集，如何得知「特朗普」和「金正恩」之間的關係。李居明說：「我算命架嘛！之前算過4月8日後，中美關係會降溫，去到5月中間又反覆，8月又好返。」

談到新劇本，李居明說：「今次有一段戲有影子出場，就是國家領導人同香港特首林鄭月娥，因為套戲太長，並不是政治敏感，而是演員換不切衫，所以被迫割愛變成要影子出場。這套戲用心講好嘢，並不是諷刺同挖苦領導人，所以好放心寫入去，亦相信領導人不會跟我這個小人物過不去。」

談到扮演特朗普，龍貫天直言好欣賞對方，由出現後覺得好特別，以一個演員角度睇，是一個好叻的人。