【維港會】車廂嚴禁偷食 九巴FB抽水：巴士上面都有Cam

引起社會激烈討論的藝人許志安、女藝人黃心穎，被揭發疑雙雙背住太太鄭秀文、男友馬國明在的士車廂出軌，不但搜尋次數突破20萬，連九巴公司的Facebook專頁都要順勢「抽水」！

九巴上載一張來往鯉魚門的14X巴士綫的「閉路電視截圖」，畫面時間正正是16分鐘，而插圖中兩隻乘坐巴士的老鼠，分別戴上鴨舌帽及口罩，明顯影射網上16分鐘長的士出軌片段，連許志安及黃心穎的裝扮都如出一徹。插圖更寫上：「車廂嚴禁偷食 」。

而九巴在配文寫道，「偷食至係罪大惡極！」，溫馨提示「你知唔知道其實巴士上面都有Cam㗎！如果你喺車上偷偷哋食嘢一樣會被發現！到時被人瘋傳就唔好啦！另一半見到點算好呢」。

文末更備注，「偷食係唔啱㗎 #車廂唔畀食嘢是常識吧 #若要人不知 #唔好太低B #鯉魚門線呢期會睇緊啲 #我哋巴士冇老鼠㗎 #大家可以安心搭九巴」。

帖文引爆網民廣傳，紛紛大讚九巴創意高，「靚抽！幅圖好正」、「小篇抽得好，比個叻你「。