【金像獎】封影帝視乎發哥會否出席？ 秋生：佢到就可以早啲返去瞓

電影《淪落人》男主角黃秋生、導演陳小娟及監製陳果等眾幕後功臣，出席放映後分享會，跟一眾電影系學生見會及會談。導演陳小娟透露，截至本月11日《淪》票房已達100萬。談到票房目標，黃秋生笑說：「拍得戲梗係希望收得，我都想分紅，唔係邊有飯食。」

香港電影金像獎於今晚舉行，談到再次競逐影帝，心情可有緊張。秋生笑說：「我緊張會落雨，落雨都唔知點算，我着雨褸行紅地毯。」問到今屆可需要擔任頒獎嘉賓？他笑說：「無喎！咦，咁就有啲機會喇！不過睇吓發哥會唔會到啦，有到就可以早啲返去瞓。」