忘了曾撐洪欣同張丹峰拍拖 陳慧珊：佢開心我就支持

陳慧珊（Flora）出席潔齒品牌活動，透露早前為品牌跟丈夫到瑞士拍攝，首次放下11歲的女兒。她認為女兒是時候學習獨立，回港後亦見女兒更成熟。帶著太陽眼鏡現身的她笑謂：「發生咗小意外，我依家隻眼腫到好似兩個波咁再加一條線，應該係敏感。」
Flora早前與好友宣萱及胡杏兒，應邀到英國拍攝以教育為題的電影節目。她說：「其實宣萱好忙，喺內地拍緊《尋秦記》，但佢兩年前應承咗我，都抽時間去拍。」胡杏兒更是身懷六甲遠赴英國拍攝，故她很感激她們兌現承諾。
至於好姊妹洪欣最近傳出婚變，Flora坦言有聽聞，亦有跟對方聯絡，但沒問及此事。提到當年洪欣跟張丹峰拍拖，她曾表示支持，蔡少芬則反對。她說：「真係唔記得，但係我嘅朋友開心，我就會支持佢。我唔可以判斷佢嘅人生，總之佢開心我就支持。」（攝影：朱偉彥）