古巨基自責太忙無暇見父母 感觸落淚

古巨基第三場演唱會假紅館舉行。當大銀幕播出影片講基仔因工作太忙碌，未能夠有時間跟父母吃飯，只可以電話聯絡。基仔說：「爸爸媽媽打電話畀我嘅時候，媽媽第一句會問；巨基工作開心順利嘛。爸爸第一句會話：聽到你把聲，我就安心去瞓。」說起父母基仔感觸落淚。

基仔昨晚舉行的個唱獲圈中好友楊受成、樂易玲、麥亨利、關智斌、王賢誌及衛詩雅等到場支持。他又邀請到好兄弟側田、6號、方力申、小肥及INK擔任嘉賓，化身組合「一條筍」，合唱10多年前歌曲《年年有今日》。小方大爆側田於後台等候時差點哭出來，側田說：「因為入行第一份工，係基仔畀我唱和音。」大銀幕播出07年「一條筍」於大馬出騷，6人再即場再擺同一甫士影相，基仔希望10年20年後可以再影一次。

完騷後基仔接受訪問時，提到今個演唱會體力消耗非常大，例如開場穿着的2萬粒水晶衫，重量達80磅，其他服裝亦同樣重量十足：「做完一場騷說好像打完埸杖咁。第二埸完咗腰部舊患隱隱作痛，以防萬一，噚晚搵個醫師幫我拉鬆肌健。」

另外，提到第二場擔任嘉賓的李克勤，即埸提供生仔秘笈。基仔笑說：「教倒掛金鈎？開騷無得倒掛啦，同埋邊個倒、邊個掛先？問佢，佢又叫我意會。」