【有片】基仔自誇識唱歌清唱《男朋友》 古天樂：演唱會唱飽佢

「雙古」古天樂（古仔）和古巨基（基仔）向來老友鬼鬼，基仔去年開騷，請來當年無線的「新五虎」─古仔、吳家樂、劉愷威及何遠恒罕有合體做嘉賓，掀起話題。基仔的演唱會Part 2將於下周二（15日）公開發售，剛在叱咤頒獎禮上奪「我最喜愛的男歌手」的古仔，亦不忘為老友宣傳個唱，叫大家記得撲飛。

基仔在社交平台上載與古仔Facetime短片，基仔先叫對方請食飯，「請食飯呀，我最喜愛男歌手，古仔！」古仔則表示：「多謝，其實我真係好鍾意唱歌，不過我係唔識唱咁解。」基仔即變聲說：「我都真係好鍾意唱歌，我識唱啵」，並隨即唱出古仔金曲《男朋友》。古仔聽到即扮作無奈：「得啦，知你威喇，我知你演唱會開Part II，你晚晚唱飽佢，如果大家想睇基仔演唱會，記得早啲去撲飛啦。」