蕭正楠趁太太拍緊戲去K房練歌 曹永廉：準備定年尾紅館演唱會

蕭正楠於社交平台上載與曹永廉到K房練歌片段，留言：「廉哥話我太太拍緊戲，靜靜雞帶我去卡拉OK見識下....佢嘅歌喉 #美加演得會 #老廉蕭show #特訓中 #紅館見」，片中阿蕭謂來為4月美加演唱會練歌，然後阿廉戲言「同埋準備定我哋年尾嘅紅館演唱會啦」，搞到網民極興奮，留言「你話㗎 紅館見啦」、「期待紅館」、「快啲喺香港開演唱會&棟篤笑!!!」，仲有提醒「記得去紅館入紙排隊呀！！！！」阿蕭就回覆謂「讓路畀華仔哥先」。另外有人話「太太兩字是重點」、「嘩好難得睇到 『太太』 兩個字」。
阿廉亦在社交平台上載偷拍阿蕭練歌片段，留言：「有進步空間，好大空間！」被田蕊妮留言取笑：「你講緊自己嘅攝影技術？」