帶著蕭太去拜年 蕭正楠：等咗幾十年就係等呢一日

蕭正楠去年娶妻黃翠如，今日二人在instagram發文，阿蕭擺住型格甫士戴埋黑超，手袋突晒大堆利是出來引人，仲留言：「我等左（咗）幾十年就係等呢一日，終於比（俾）我等到嘞，今年終於可以派利是啦！#恭喜發財 #帶著蕭太去拜年 #相傳第一年派利是唔可以派紙幣」。

一眾好友都留言等逗阿蕭的利是，胡定欣留言向他逗利是，他卻謂：「話唔定你呢兩日結婚呢？」，定欣亦寸回：「如果『初二初三』我真係結婚既（嘅）話…我第一個請你飲」。莊思敏亦謂：「我都等你封利是等咗好耐嘞。終於俾我等到嘞」；洪永城也搭嘴：「我等左（咗）十幾年都係等你呢封。」有提議他若不派紙幣，就派金幣、支票或電子利是。

翠如就在「我的聖誕樹變成新年樹了」前拍照，留言：「今年收到很多利是封，謝謝各位朋友。新年行大運，準備出發」。定欣和李施嬅也有在翠如這邊留言，正等待他們的利是。