黃翠如開劇趕唔切生豬B 蕭正楠自誇繁殖能力超強

蕭正楠跟陳凱琳（Grace）為商場賀年活動擔任嘉賓，去年4月跟黃翠如於新西蘭完婚的阿蕭，今個農曆新年正式派雙方利是，笑說：「佢（翠如）都係旨意我搞，因為雙封要預多點。」他透露今個新年會跟翠如拜訪整個家族，爸爸親戚有近百人。他笑說：「姓蕭嘅繁殖能力好強。（你遺傳到繁殖能力？）勁唔勁好難講，但功能上絕對無問題。」
談到生豬BB，阿蕭坦言來不及，因翠如要拍劇。他笑說：「我無謂搞佢喇，等佢早點瞓，好好休息，之後慢慢搵機會再同佢傾。」阿蕭以黃澤鋒太太52歲能成功懷孕為例，稱現在生小朋友已沒年齡限制。他笑說：「話唔埋翠如60歲都可以生。（但你64歲呢！）放心，阿廉（曹永廉）教咗我好多偏方！」
Grace就話對豬仔物件特別鍾情，亦喜愛粉紅色，但今胎是男B唯有忍手買少點粉色衣物。她透露已拍攝了大肚寫真，說：「第一次著好貼身嘅衫，我唔想太性感。可能生之前會再影多次，睇下到時嘉穎想唔想陪我影。」（攝影：張家宜）