【長命百二歲II】方東昇喪爆GAG 網民勁讚

無線最近播放《長命百二歲II》，今次跳出亞洲，首站到荷蘭了解當地養老和護理設施。主持之一的方東昇繼續發揮「GAG王」本色，在節目中大爆金句，令觀眾狂讚。
今輯節目，首兩集到訪荷蘭，方東昇同兩位拍檔黃曉塋和李曉欣，先後到當地的「失智農場」、「阿嫲廚房」和「回憶博物館」等長者設施參觀，方東昇在節目中不斷搞GAG；到第二集，他又與兩位拍檔參觀荷蘭最受歡迎嘅長者電視台「Max TV」，更為這個「大台」改中文名為「祝英台」；又大玩記憶配對遊戲，11題中答錯兩題，方東昇全程「零」回答，被主持人問點解唔答問題，佢就以廣東話回應「翹埋雙手，已經係幫手。」十分搞笑。
荷蘭首相呂特去年訪港，方東昇又跟他進行訪問，探討荷蘭的長者政策。

總結首兩集金句，包括：
（１）「世界上最大嘅空間，就係進步空間。」--方東昇同長者打羽毛球打到索晒氣時，揚言現在開始練習，將來到那個年紀時會比他們打得好。

（２）「再鋒利嘅刀都有生鏽嘅一日，再犀利嘅風車都有停落嚟嘅一日。」--另一女主持黃曉瑩在荷蘭，問到點解咁大風風車仍然不轉動，方東昇如此回答。

（３）「失智事小，失蹤事大。」--參觀荷蘭失智農場時感慨香港做不到。

（４）「忘記或許有忘記嘅好，佢嘅世界不再有煩腦，在雨中也可以翩翩起舞。」--失智農場的長者與黃曉瑩雨中起舞。

（５）「翹埋雙手，已經係幫手。」--形容老人酒店的老人家自行工作，毋須人幫手。之後在荷蘭電視台玩遊戲，被主持人問點解無答問題，佢再以同一金句回應。

（６）「世界零距離，但年齡有距離。」--參觀「回憶博物館」時有感而發。

（７）「長者一齊煮飯仔，全因一名後生仔。」--當地青輕人聚集長者創辦「阿嫲廚房」。

（８）「患認知障礙嘅老人，有時就好似靜止嘅風車，大腦唔轉，記憶停留。」--節目尾聲時，形容養老政策和設施，就好像推動風車轉動的「風」。