被老公扮賊搶手袋兼瞓覺淋水 江若琳享受浪漫驚喜：快啲返嚟嚇我啦

結婚近兩個月的江若琳（Elanne）和蕭潤邦（Oscar），婚前婚後都不時在社交平台「放閃」。即使Oscar因為到日本工作，昨日未能與Elanne慶祝兩人婚後首個元宵佳節，但Elanne齋用文字都足以閃盲大家。

Elanne昨晚在instagram上載合照，冧爆表示，雖然老公不在香港，「 但唔好以為我唔記得呢一日！雖然西方情人節時，我曾經公然聲討佢毛都無條！但今日元宵佳節我想多謝你❤你嘅浪漫應該得我明，哈哈！你話呢世都唔會買花畀我，因爲我哋養咗糯米糍（愛貓），佢會對花敏感 ！」

Elanne似乎覺得未夠「閃」，繼續說：「你唔會再買物質嘅禮物，因為你送咗一個最安穩最有安全感嘅家畀我！你每日都為緊呢個屋企努力！你唔會再搞埋啲驚喜，因為每一日你都會諗唔同嘅方法嚇鬼我！例如我瞓緊覺搵水淋我，偷偷哋喺我後面扮賊搶我個袋等等，每日夠晒驚喜！但係原來你唔係身邊，我悶到抽筋！祝你元宵節快樂！你講得啱，只要你喺度，日日都係情人節咁快樂！快啲返嚟嚇我啦 #希望大家唔會嘔 #祝大家繼續甜甜蜜蜜」。