何佩瑜豬年衝事業望買屋 恨結婚心態有變

單身的何佩瑜以往經常恨拍拖，好享受戀愛感覺，但踏入新一年豬年，她直言對感情事完全沒有渴望，亦謝絕緋聞，反而工作至上。

文：鄺芷瑩 圖：朱偉彥

何佩瑜（Jeana）於去年有不少轉變，既搬屋又加入英皇成為旗下藝人，她坦言轉公司後好有歸屬感，因為以前工作上自己較為缺乏安全感，好想有個肩膊倚靠，獲公司好多的支持，與以往相比安全感更大。她說：「好多謝老闆同公司畀機會我，去年可以參演電影《神探大戰》真係好開心，拍攝過程好辛苦，天氣大熱天時着厚衫，由夏天拍到去冬天，今次角色的黑暗面好重，幾個月來心情都不太開朗。我試過駕車時聽歌，突然覺得好似做番日前喺車上拍嘅情感戲分，但隔籬無人，我有諗下這場戲有何改良方法，想像隔籬有對手演緊戲，鬧緊交又爆喊。」

她直言去年參演《神探大戰》及《感動77次》分別首次跟兩位導演韋家輝和邱禮濤合作，令她獲益不少，當中Jeana演出《神探大戰》時在30幾度氣溫下戴帽兼着皮褸拍追逐戲，體會種種辛苦，其實下一秒就會拍完，所以就算遇到困難亦好快過去。Jeana又自言唱歌如技安般難聽，無謂毀滅地球，本身對這方面沒太大自信，故專注在演戲上。

返鄉下回饋親友

Jeana表示每年農曆年會返鄉下石家莊，因為只有她跟父母及弟弟居於香港，故會返鄉下與親友一起度歲。她說：「返到去鄉下在年三十晚女士們一定會負責包餃子，男士們就飲下酒等食啦！以前細個逗利是好開心，但長大後好想回饋畀他們，??家想努力工作賺多點，目標想內地家族親戚每家有一棟舒適住所同一架車，雖然他們有樓，但由細到大我在香港，很少照顧他們，希望名成利就可以報答他們。」Jeana笑言平時好少行街「濕平」，通常集齊想買的東西一次過全日掃貨，由於過年前冬季服裝大減價，就會趁機會買平衫，而且會揀選買紅色服裝賀新年。她說：「平時工作要着戲服，出席活動會着高跟鞋襯裙，所以過農曆年最想着得舒服給人活力感覺，就會鍾意揀着紅色運動型服裝去拜年」。

唔需要愛情

曾揚言恨拍拖結婚的Jeana，對於豬年願望，她一反常態直言對感情事完全沒有渴望，亦謝絕緋聞。Jeana說：「我覺得都係工作緊要，愛情冇乜必要，可能以前自己後生比較少女的時候，需要愛情的刺激、要別人保護，但我就快踏入30歲，唔知點解覺得唔需要啦！所以我明白香港女生太強，好多不會結婚或遲婚，明年會以工作為上闖一番事業先，活在當下。」