【金像獎提名】袁富華再提名男配感覺夢幻 黃德斌：好意外好驚喜

袁富華早前憑《翠絲》奪金馬獎最佳男配角，今次再憑此片入圍香港電影金像獎競逐男配，正放假身處外地行山的他，先多謝金像獎所有選民，並謂：「好似好夢幻，2018年做到Darling哥角色 ，平常心啦，能入圍已對Darling哥個角色一個肯定。」他續多謝老闆古天樂、監製、導演及一眾台前幕後，給他一個很好的環境讓他創造角色，並謂：「成日都係嗰句：不計果，只記恩，勿忘初心，因為我真係好喜歡做演員，多謝，多謝你哋！」
其對手還包括《逆流大叔》的黃德斌，首獲提名的他坦言：「好意外啦、好驚喜啦！都唔知講咩好！真係冇諗過，好開心《逆流大叔》有咁多題名，特別係有兩個男配角（與潘燦良）提名，唔係好多咁嘅機會，其實已好開心。」他謂單看提名名單，個個都好有實力，由於有部份電影他沒看過，所以暫沒心水人選。