吳業坤孖兩緋聞女友同場 家燕姐提點開騷勿被女色迷惑

吳業坤於初七人日享齊人福！聯同兩位緋聞女友薛家燕和趙慧珊（Aka），及王梓軒、譚杏藍、戴祖儀、謝文欣、林穎彤和李晧軒出席電台舉行的團拜活動。
其後坤哥與家燕姐，及家燕姐的緋聞女婿王梓軒齊受訪，王梓軒被取是電燈膽時，即搞笑向坤哥連講3聲「恭喜Uncle」，又忍不住說句：「關係好亂呀！」家燕姐笑指坤哥不敢亂來，坤哥順道tag新歌接口說：「我唔敢亂來，係要結束關係了，《和懷念講再見》，我現在醒了！」
王梓軒笑指坤哥去年新年和家燕姐仍是如火如荼，這麼快就醒？坤哥解釋：「我現在是敬家燕姐，不再是迷戀或貪戀了。」當家燕姐提到今年預7萬多元派利是，坤哥即嚇得向後退了幾步，自爆：「我交稅都無咁多呀！」王梓軒又笑指坤哥：「所以如果你想追家燕姐就知道喇！」坤哥又問王今年是否應派返封利是給家燕姐？家燕姐笑謂：「梗係要，敬老呀嘛！」
搞笑是坤哥和王梓軒向出名旺的家燕姐逗過利是後，又開始爭奪家燕姐，事緣前者在4月19日開演唱會、後者同日上演舞台劇，二人都希望邀請家燕姐出席；王梓軒得知坤哥只演一場，也大方的讓給對方。
家燕姐又幽默著坤哥要記得跟其女兒經理人度期，更提醒被傳有「收集家燕姐唇印」癖好的坤哥說：「這段時間要加緊練習、勤力啲、謙虛啲、專心啲、唔好掛住留意女仔嘅唇膏印呀！」坤哥則聽話道：「明白，即不要被女色迷惑。」但轉頭又唔收口，聽到家燕姐問他是否處女個唱？他竟笑道：「唔係，你攞唔到喇，哈哈！」笑爆全場。（攝影：鄧國良）