【維港會】六合彩1億擦身而過 網民：人生最痛莫過於全部射歪！

六合彩新春金多寶是史上金額最高，若然一注獨中，高達1億元！若果你投注嘅號碼「偏偏剛剛擦過」，咪話唔揼心口。有網民係Facebook群組「巴打絲打 Facebook Club」及「PLAY HARD 玩硬」上開Post，話「人生最痛，莫過於全部射歪」！

圖片顯示，樓主投注嘅號碼(8、18、28、35、38、48)，正正就係同攪珠結果差1個號碼！(1、19、29、34、39、49)，撇除8號之外，其他號碼只需要加一或減一，就可以中5個字，獲派3獎，雖然因為中獎人數多，但派彩都有1.9萬！

不過原來唔止樓主一個人「射歪」，有唔少網民都留言同貼出自己嘅彩票，都係差少少就中，仲搞笑咁話「你並不孤單」。亦有網民揶揄「人生最遠的距離」、「唔使咁痛，未輪到你啫」、 「避得好到位」。