維港會:中電蔣東強化身財神同老友記賀新年

農曆新年美食多，但要食得健康，就要花心思。中華電力總裁蔣東強(TK)大年初五就同一班中電義工到觀塘雲漢邨的中電有「營」飯堂，同老友記拜年，一齊整健康賀年小食。TK仲化身財神，向老友記派福袋齊賀新春。

TK話，新世代老友記注重健康，所以就想了一款健康小食「賀年黃金球」，是用雜錦果仁和乾果做成，外形似煎堆，寓意「金銀滿屋」，比傳統賀年食品健康，最啱有「營」飯堂的老友記。

今年80歲的堅哥1日3餐都到飯堂食飯，亦主動介紹有需要的朋友來食飯，閒時還會在飯堂做義工。他說，飯堂就好似屋企一樣溫暖，而過新年最緊要熱鬧，中電義工與老友記一齊玩遊戲，有傾有講，令他感受濃厚過年氣氛！