【一家三口拜年】宣傳賀歲片被關心囡囡近況 王祖藍感窩心

王祖藍早已預告今個新春瞓身為首次執導賀歲歌舞片《你咪理，我愛你！》宣傳，除了跑勻全港戲院，昨晚去完觀塘年宵市場，今日又現身旺角鬧市大派利是及電影換票證，吸引近百人潮，還有人關心她囡囡的近況，令他感窩心。至於昨晚祖藍到年宵市場為好友兼戲中演員梁嘉琪及其是非精拍檔馮盈盈、湯洛雯及張寶兒等齊齊開設的年宵攤檔打氣及撐場，期間亦有向市民派飛，令場面異常蜂擁熱鬧。

祖藍受訪時表示近日生活很「規律」，主要都是跑戲院，然後趕回家「睇女」。忙到甩碌的他，更謂今年依然未能抽空與家人吃團年飯。談到今年賀歲檔電影競爭激烈，他大方表示是好事：「最緊要係百花齊放，好耐冇見過一個新年檔期係咁旺，絕對係好事，刺激番大家入戲院對行業都係好事。」

根據今日觀察，《你咪理》年初預售票房成績不俗，很多戲院均「見紅」報捷，對此祖藍表示仍需努力，說：「今年嘅仗雖然好難打，但我哋都會努力。希望套戲可以帶畀大家正能量，睇完可以感受到快樂同愛，同埋可以開開心心咁過年。仲有我想講香港真係好靚，香港都可以拍到好靚嘅歌舞片。」

另外，太太李亞男在社交平台貼上女兒照片，留言：「祝大家新年快樂，心想事成，萬事如意，身體健康！一家人開開心心過豬年，女兒Gabrielle也跟大家拜年啦」！祖藍亦轉發留言：「我們一家三口祝大家2019豬事顺利，家庭幸福」。