維港會：收金牛利是慘被鸚鵡咬爛 連登仔肉赤求救：有無得換

新春期間不少人都會收到利是，寓意新一年如意吉祥，接到大利是固然開心，但都要小心家中小動物，否則新年真係得個「吉」。有連登仔收到一塊千元利是，但慘被鸚鵡咬爛，眼見1000元化成碎紙，無奈地求救，問網民能否到銀行更換一陣完整1000元紙幣，引起討論。

有連登仔在討論區上載圖片，指收到一封金牛利是，但慘被鸚鵡咬爛，「我放左封利是喺張枱，我屋企隻鸚鵡咬x爛咗，咁樣拎去銀行有無得換。」見到該張1000元斷開兩截，而且切口不整齊，加上遍地都是銀紙和利是封的碎片，又爆笑地向鸚鵡舉中指。

不少網民都替連登仔可惜，「佢可能想啄隻獅子」，亦有網民指，只要紙幣損毀面積不大，仍可更換，「淨返75%或以上可以拎去驗，冇問題會俾過張你」。