維港會：途人斥抄牌「與民為敵」 警員：法例有無講年初一唔可以抄？

新年期間不少人都會駕車代步去拜年及食開年飯，不過車位有限加上見「人泊我泊」的心態，街上往往有大量違泊。警員大年初一應否「鬆手」不發告票，每年都成為網民爭論話題。今日港九新界多區網民就在Facebook發文，指見到警員抄牌。

街上不時出現亂泊車令交通受阻的情況，有網民指「違例泊車阻路白田邨9座對出....私家車頂住安全島巴士唔夠過」。

另一方面，有網民上載影片，一名男子不滿警員大年初一在荃灣工業區都照抄牌，拿出手機拍攝，批評「嘩！街頭抄到街尾」，「你哋政府與民為敵」，「年初一仲要」。警員繼續抄牌，反問「法例有無講年初一唔可以抄？」男子就聲稱「咁多年我都係第一次見。我真係要欣賞下見識下，掉返上Facebook」。

不少網民就批評，違例泊車就是違法在先，一眾車主要求明知故犯，反問「初一走去非禮打劫得唔得」。又批評不少司機是貪小便宜慳泊車費，「有錢買車無錢泊車」，「泊得街就預咗抄」；又批評司機自私只顧自己，無考慮會否阻礙緊急車輛進出「剩係自己顧自己」。

不過也有人認為，昔日港英政府都會考慮民情年初一容許路邊違泊，認為政府不近人情，「睇來呢個世界已經今時唔同往日。人情味蕩然無存!」，「庫房大把錢，連私家車幾百蚊都要搶」。