【獨立屋涉僭建】庭外指有信心脫罪 潘樂陶：建築署指控完全不正確

律政司司長鄭若驊早前從僭建風波「甩身」，屋宇署考慮證據及法律意見後決定檢控鄭若驊丈夫潘樂陶，潘樂陶僭建票控案今午於屯門裁判法院提堂，潘樂陶否認控罪。潘樂陶在庭外發表聲明時表示，「屋宇署話我屋企花園裏面有泳池，又話係唔合法嘅建設」，潘解釋說其家中的泳池是組合式「放在地上」的水池（即Modular Free Standing Pool），上面有一個塑膠袋並裝載著水。潘指該泳池並沒有影響花園的結構，亦沒有連接着其建築物，故潘認為「建築署絕對我嘅指控係完全唔正確嘅」。

潘又解釋在設置涉案水池時 「無鑿過地下，係喺花園個地就咁擺落去」，「我去買番嚟擺落去嘅」。被記者問及會否害怕案件影響太太鄭若驊時，潘樂陶回答道：「我唔知道太太做乜嘢，太太亦都唔知我做乜嘢」，記者追問有關其太太鄭若驊事宜時，潘均回應指：「我太太唔知道我嘅事，我太太亦唔知道我嘅事」。記者再追問為何互不知道對方事宜時，潘指：「你知唔知道，有啲情況呢，你先生同你太太都有事唔會講架嘛，特別係呢啲咁嘅情況更加唔會講啦，有咩需要講啫，我依個係好直接嘅案件，我完全係覺得可以贏到嘅，洗乜講姐」。潘最後補充指：「我唔需要（出庭）辯護，因為依個案件咁簡單，我個律師已經搞掂曬啦」。

法庭記者：劉曉曦