中年婦涉向法官掟硬幣 女保安被擊中： 一粒黃豆都可以掟死我㗎

50歲婦人涉於去年6月在高等法院向3名法官座席方向投擲共值7毫的3個硬幣，而令在場的一名女保安員受驚，婦人否認一項普通襲擊罪。本案受害人女保安員朱肖雲出庭作供指，當天依照上級指示留意被告賴容的行為及去向，朱在當天10時25分坐在庭上近證人檯的地方，「間唔中望下」坐在公眾席的被告賴容以作監視，但突然聽到「嘰哩呱啦」的聲音，朱感到詫異並想：「如果掟到我點算呢，咁近，好彩掟我唔到啫，個銀仔係正我櫈底喎，驚㗎」，案件下午再續。

香淑嫻裁判官為被告賴容盤問朱時問及「當時係咪無因為掟銀仔事件而驚過」，朱否認並指「聽到聲已經驚，望到地下幾個銀仔都驚，係硬物嚟」。被告賴容即指「我就覺得奇怪喇，見到毫子唔係應該先唔驚咩？正常人見到係眼仔嚟咋嘛反而會唔驚」。朱聞後辯稱：「一粒黃豆都可以掟死我㗎，我唔知你會唔會掟更重嘅嘢，對我人身有威脅」。

法庭記者：劉曉曦