維港會：北區醫院三文治餡料縮水 僅邊位有餡

醫院嘅嘢食以健康為重，一向唔太受市民歡迎，不過未至於唔好食。但有網民於Facebook群組「上水人大聯盟」貼出一張餡料縮水嘅吞拿魚三文治相片，仲笑言話「想減肥可以去北區醫院買包食」。就相片可見，個三文治只有周邊塗有吞拿魚餡料，中間可以話係「空心」。

樓主仲話佢自己睇見個三文治「都望咗個包一陣」，有網民話「好細心，圍邊搽吞拿魚」，亦有網民話「佢都係為你健康著想」、「低卡……用心良苦」，樓主打趣咁就覆話「我唔要健康。我想要翻啲呑拿魚」。