維港會:北區醫院三文治餡料縮水 僅邊位有餡 2019-01-15 15:27 樓主話想減肥可以去北區醫院買包食。網上圖片 醫院嘅嘢食以健康為重,一向唔太受市民歡迎,不過未至於唔好食。但有網民於Facebook群組「上水人大聯盟」貼出一張餡料縮水嘅吞拿魚三文治相片,仲笑言話「想減肥可以去北區醫院買包食」。就相片可見,個三文治只有周邊塗有吞拿魚餡料,中間可以話係「空心」。樓主仲話佢自己睇見個三文治「都望咗個包一陣」,有網民話「好細心,圍邊搽吞拿魚」,亦有網民話「佢都係為你健康著想」、「低卡……用心良苦」,樓主打趣咁就覆話「我唔要健康。我想要翻啲呑拿魚」。 關鍵字 Facebook WhatsApp WeChat 微博 Twitter 電郵 文字 列印 上一篇 港府展「冷靜期」3個月諮詢 涉3000元或以上美容健身合約 下一篇 鄭若驊民望再插水 港大民調得30.4分創上任新低 最新回應
最新回應