難忘勸教戒瞓住化妝 阿Sa爆被伊健嘲面似壓扁菠蘿包

鄭伊健與蔡卓妍（阿Sa）於2002年合作電影《我老婆唔夠秤》認識，之後再合作過幾部電影而成為好朋友，日前他們接受電台《叱咤樂壇》訪問，阿Sa坦言與伊健無所不談，讚對方是個很好的聆聽者兼守秘密者。不過他們一碰頭就鬥嘴，阿Sa投訴初相識時，被伊健取笑塊面似「壓扁菠蘿包」，所以要窒他還擊。伊健哈哈大笑，說：「你嗰陣時真係好似外賣壓到最底嗰件菠蘿包，依家唔同晒，靚咗好多！」阿Sa強調：「我無整容㗎！」
雖然常常鬥嘴，但他們亦有認真傾心事的時候，阿Sa最難忘伊健對她勸教，說：「我同佢拍戲嗰個時候檔期好密，又要唱歌又要排舞，嚟到片場一邊化妝一邊瞓覺。有一次佢好認真咁同我講：『你唔好再瞓住化妝啦，尊重化妝師，而且咩人先至瞓喺床被人化妝？』從此我就冇人再瞓住化妝，只係試過忍唔住坐喺度唔覺意瞓著咗。」伊健回想當年阿Sa年紀輕輕跑通告好辛苦，如今苦盡甘來，亦感安慰。
對於伊健明年2月在紅館開騷，阿Sa自定歌單，例如最想聽《內傷》Live版，笑言若不唱會割櫈，最低限度她去看的一場一定要唱她自定的歌單。