阿Sa快餐店搞生日會 圓童年夢想

蔡卓妍（阿Sa）上月22日生日，獲好友連環為她慶祝，賀壽停不了的阿Sa日前就親自為自己安排「遲來的生日會」，派對地點在她兒時夢寐以求的連鎖快餐店，一於自己生日會自己搞！
阿Sa今次自己搞生日會，她透露是在一個星期內決定，因之前一直在拍戲，想不到在短短時間及平日的星期四也有大班Fans協調到時間來跟她慶祝。她更坦言細細個就好想在這個地點搞生日會，以前好羨慕同學可以在該處開生日會，覺得這地點有魔力，所以真的好開心。
阿Sa續稱：「但係到咁大個都冇試過，所以今年我就特別安排畀自己。可以喺自己一直想搞生日會嘅地方開Party，原來真係會開心啲。」當日阿Sa拿着氣球扭成的手袋滿場飛，原來是快餐店特別送給她，她愛不釋手大讚好靚。問到生日願望，阿Sa表示：「希望今年可以繼續做自己鍾意做嘅嘢，同埋身體健康。」