难忘劝教戒瞓住化妆 阿Sa爆被伊健嘲面似压扁菠萝包

郑伊健与蔡卓妍（阿Sa）于2002年合作电影《我老婆唔够秤》认识，之后再合作过几部电影而成为好朋友，日前他们接受电台《叱咤乐坛》访问，阿Sa坦言与伊健无所不谈，赞对方是个很好的聆听者兼守秘密者。不过他们一碰头就斗嘴，阿Sa投诉初相识时，被伊健取笑块面似「压扁菠萝包」，所以要窒他还击。伊健哈哈大笑，说：「你嗰阵时真系好似外卖压到最底嗰件菠萝包，依家唔同晒，靓咗好多！」阿Sa强调：「我无整容㗎！」
虽然常常斗嘴，但他们亦有认真倾心事的时候，阿Sa最难忘伊健对她劝教，说：「我同佢拍戏嗰个时候档期好密，又要唱歌又要排舞，嚟到片场一边化妆一边瞓觉。有一次佢好认真咁同我讲：『你唔好再瞓住化妆啦，尊重化妆师，而且咩人先至瞓喺床被人化妆？』从此我就冇人再瞓住化妆，只系试过忍唔住坐喺度唔觉意瞓著咗。」伊健回想当年阿Sa年纪轻轻跑通告好辛苦，如今苦尽甘来，亦感安慰。
对于伊健明年2月在红馆开骚，阿Sa自定歌单，例如最想听《内伤》Live版，笑言若不唱会割櫈，最低限度她去看的一场一定要唱她自定的歌单。