維港會：總商會袁莎妮對手好dry 大呻手霜「價錢同品質未必掛鉤」

近日天氣轉涼，天氣乾燥搞到Kelly及一班姊妹急急要保濕 ！早排同王維基拉埋天窗嘅總商會總裁袁莎妮（Shirley），雖有愛情滋潤，但都喺fb大呻，自己對手好乾，經常龜裂，嘗試十多款牌子都不太有效，用親身經驗話俾大家知「價錢同品質真係未必掛鉤！」

Shirley話對手已經好了一星期，但多洗兩次手後又再度龜裂，她由幾十元至專櫃品牌的幾百蚊嘅精油都有用過，得出的結論係價錢與品質未必有直接關係。看來Shirley要為一對玉手尋找到perfect match可能都要花點時間啦！