孖恬妞忘年之交互笠高帽 王菀之：被佢電暈

林敏驄執導兼演出賀歲片《如珠如寶》舉行煞科宴，一眾演員恬妞、王菀之、吳耀漢、吳嘉龍、林雪等出席。
戲中扮演老人院看護的王菀之，笑言好忙碌要通渠、打掃一腳踢，與恬妞最多對手戲，更大讚對方是最靚的院友。她說：「現場望住佢會被佢電暈，望住佢好難演戲，幽默又好可愛，同佢合作好開心。」
恬妞對王菀之的表現讚不絕口，又自嘲不及對方口才好，但她對王菀之的讚美是真心，又認為跟對方是遲來的緣份同忘年之交。她說：「我同佢東、南、西北乜都講，佢係慢熱的人，只要衝破呢個防線會乜都講好真心，我好鍾意好真心的小朋友，唔好睇小佢，演技好好，我覺得唔止拍喜劇，任何片種都拍到，如果同佢再合作，我願意半價。」（攝影：朱偉彥）