陸浩明拍拖紀念日 收女友窩心驚喜

送驚喜不一定只限男友做，陸浩明（6號）今年與女友Ayan的拍拖紀念日，就收到女友的「窩心驚喜」。他在社交平台分享短片，見他慢慢邊拆開女友送的長形禮物盒，邊問「紅酒嚟嘅？」女友則笑指是豉油，結果6號聞言即「O嘴」，並說「豉油咁正？」

結果6號一打開禮物，發現女友將一對套上卡通頭套的美少女戰士和禮服蒙面俠Q版紙黏土公仔，上面換成女友及自己的樣子，並有一個「Ay6Style」的公仔襟章，Cute得來又勁Sweet。6號都隨即大讚「好得意、好搞笑」。

網民都留言大讚「好得意呀，sweet到」、「係愛啊」，亦有網民留意到兩人穿上情侶裝，笑言「閃親」。另有人鼓勵拍拖多年的他們早日結婚，「恩愛恩愛啦，快D娶啦！又好又靚嘅女友」。