自導MV廣邀好友演出 王菀之被投訴開工時間早過耕田

王菀之（Ivana）於下月底在旺角麥花臣場館舉行的兩場音樂會，將以旅遊為主題，唱盡她在旅遊時創作的歌曲，還會選唱一些與她的旅遊經歷相關的音樂。
另外，Ivana最近為新歌《沉默的士高》自編自導自演MV，這是她第3次為自己的歌曲MV擔任導演，她邀請了8位好朋友演出，合作無間的梁祖堯、「蝦頭」楊詩敏、湯駿業、鄧智堅、楊螢映（Anna）、Florence、陳小東和趙耀邦，他們都是專業的舞台劇演員和舞蹈家，所以Ivana心情特別緊張又興奮。
到底如何將熱鬧喧嘩的士高（Disco）變得沉默呢？Ivana說：「人類沉迷科技，成日掛住睇手機，就連去Disco都各自戴耳機，唔溝通，聲帶漸漸退化，今次邀請8位朋友分成兩組，分演『人類』和『聲帶』。」梁祖堯讚MV故事很有啟發性，他說：「我係人類，湯駿業飾演我嘅聲帶，將人和聲帶分兩開個人去飾演，在Disco裏『聲帶』被『人類』抑壓，之後『聲帶』會變身，仲會跳舞，好勁！」

Ivana和祖堯合作無間，但他們一碰頭就好像歡喜冤家不停鬥嘴，首先祖堯「投訴」開工時間「早過耕田」，說：「 上次我拍佢嘅MV被佢摑兩把，行行企企，拍兩個鐘頭收工。點知今次淨係化妝搞造型都搞咗成兩個幾鐘，仲要我著皮褸喺枱上面跳舞！要我跳舞！要我跳舞喎……」Ivana在旁忍笑插嘴：「你鍾意跳舞㗎…」梁祖堯不得不承認：「係…但我無諗過係大清早7點囉！我對上一次咁早起身就係你結婚。（你平時種菜都咁早㗎啦！）無咁早，我啲菜都未起身！」又笑指她今次MV特別多花臣，Ivana立即否認：「『嘩眾取寵』唔係我嘅Style（風格），我追求美學精準度……只係唔知點解搞到咁大壇！」Ivana為MV拍攝，親手畫了Storyboard，仔細描繪每一句歌詞和每一個鏡頭部署。拍攝期間，她親自向演員示範表情、動作、走位、指揮鏡頭擺位等，舉手投足都有板有眼，並期待MV今日面世。