Kelly Online: 大媽超市即場拆袋換蕉 收銀員：唔知你又拆？

為咗慳錢你可以去到幾盡？以身試法就唔好啦！噚日（14日）有網民目擊一名大媽偷龍轉鳳，將預先包裝好嘅貴價香蕉即場拆袋，再「自助」放入透明卷裝膠袋，網民隨即向職員舉報；大媽畀錢時被收銀員踢爆時更辯稱「我唔知」，收銀員隨時反駁：「唔知你又拆？你咁聰明嘅？」

網民Elaine Wong發文表示，購物時聽到身後有響亮的拆膠袋聲，轉頭一望便發現大媽將一款18元預先包裝好的香蕉「大模斯樣」拆袋，再「自助」裝入透明卷膠袋，扮作4.6元一磅嘅平價香蕉。網民紛紛圍攻大媽指，「扮晒野，博大霧」、「賊性難改」、「我見過自由行去超市倒洗頭水落佢自己帶去的小瓶度！」亦有網民大讚發文者「正義！做得好！」

希望大媽今次中「蕉」後知錯能改啦，不好再以身試法！

照片來源：香港行山遠足之友