維港會： 媽媽吩咐等香蕉熟啲先俾阿女食 工人姐姐即製「白灼香蕉」

早兩日食安中心聯同漁護署就生食本港生蠔大戰《東張西望》，仲引述埋漁護署署長話「生嘅梗係唔食啦！熟嘅先食！」。有媽媽級網民在facebook發文，話指示外傭姐姐「等啲香蕉熟先畀阿女食」，姐姐可能響應署長所講，竟然整一味「白灼香蕉」，將啲蕉淥熟！

個位阿媽仲問：「有無人知咩玩法？」網民熱心解答指：「《亞（阿）爺廚房》都教人煮香蕉糖水喇，又潤食完仲好好訓添呀」、「煮完咪熟囉」、「 菲律賓蕉好似係要煮過先入到口，平時見炸多」、「你同佢講要等啲蕉cooked定ripe先」。睇嚟網民大多數都撐姐姐識食又識玩喎！