维港会： 妈妈吩咐等香蕉熟啲先俾阿女食 工人姐姐即制「白灼香蕉」

早两日食安中心联同渔护署就生食本港生蚝大战《东张西望》，仲引述埋渔护署署长话「生嘅梗系唔食啦！熟嘅先食！」。有妈妈级网民在facebook发文，话指示外佣姐姐「等啲香蕉熟先畀阿女食」，姐姐可能响应署长所讲，竟然整一味「白灼香蕉」，将啲蕉渌熟！

个位阿妈仲问：「有无人知咩玩法？」网民热心解答指：「《亚（阿）爷厨房》都教人煮香蕉糖水喇，又润食完仲好好训添呀」、「煮完咪熟罗」、「 菲律宾蕉好似系要煮过先入到口，平时见炸多」、「你同佢讲要等啲蕉cooked定ripe先」。睇嚟网民大多数都撑姐姐识食又识玩喎！